Home. Contact. Activities. People & History. Statement. CC Members. About Us. Links.

ယၟုအဲဂှ် နာဲလျးမာန် နူကဵုဌာနပရိုၚ် ဂကောံမန်အလုံဍုၚ်အမေရိကာန်၊၊   ဗွဲကိုပ်ကၠာယၟုအ္စာ   လေဝ်       ဆက်ကဵုမိတ်မွဲဝါညိအ္စာ၊

           

   လၟိဟ်လိက်ကၞပ် အ္စာမကေၚ်ပတိတ်လဝ်တုဲတုဲတံကီု လိက်ကၞပ်အ္စာသွက်ဂွံပတိတ်အနာဂတ်ဂတဏံကီု       အ္စာဆက်ကဵုမိတ်ကုကောန်ဂကူပိုဲဂွံဟာအ္စာ၊

           

    ပ္ဍဲကဵုလိက်ကၞပ်အဘိဓါန် မန်ဗၟာဏံဂှ် အ္စာချူပကောံလဝ်ဒလအ်လဵု၊ လၟိဟ်ဝေါဟာရ ဗၞတ်မူစိမ၊ မၞုံသတီုလိက်   ဗၞတ်မူစိမုက်မာန် အ္စာချိၚ်ၜတ်ကၞာတ်လဝ်နွံမံၚ်ဟာအ္စာ၊

           

   လိက်ကၞပ်အဘိဓါန်မန်ဗၟာဏံဂှ် အ္စာချူပကောံလဝ်ဝေါဟာရတြေံဂမၠိုၚ်ဟာ  ဝေါဟာရတၟိဂမၠိုၚ်ဟာ၊ ဟွံသေၚ်မ္ဂး ဝေါဟာရမန်မကၠေံဗ္ဒန်မံၚ်တံဂှ် လ္ၚတ်ဂၠိုက်ဂၠါဲပကောံလဝ်ဟာအ္စာ၊

           

   လိက်ကၞပ်ဏံဂှ် ဍေံဒှ်ဂုဏ်ဖဵု သွက်သွာၚ်လဵု၊ သွက်ဇၟာပ်မၞိဟ်ဟာ သွက်အ္စာကၞေဟ်မချူလိက်တံဟာ အ္စာသောၚ်ကလးကဵု    ဗွဲမြော်မာန်ဟာအ္စာ၊

            

  လိက်ကၞပ်ဏံဂှ် ဒၞါဲလဵုကလိဂွံမာန် အ္စာပ္ညုၚ်ထ္ၜးကဵုကောန်ဂကူပိုဲဂွံဟာအ္စာ၊

          

  ရံၚ်ကေတ်လ္တူအကာဲအရာ လိက်ကၞပ်အ္စာဏံမ္ဂး အ္စာဒးကဵုလဝ်အခိၚ်တၟာလအ်ရောၚ်အ္စာ၊ ဝေါဟာရမန်မကၠေံဗ္ဒန်မံၚ်ဂ မၠိုၚ်တံဂှ်  ညံၚ်ရဴဂွံကလေၚ်မံက်ဂတဝ်တိုန်ကၠုၚ်မာန်ပၠန် ဇၟာပ်ဂကူမန်ညံၚ်စိုတ်သ္ဂောံလုပ်စမာန်ဂှ် ဗီုလဵုအ္စာ မိက်ဂွံကဵုကသပ်ရောအ္စာ၊

              

  ဝေါဟာမိမ အပ္ဍဲကဵုဒွါပါၚ် ကောန်ၚာ်သၟတ်တ္ၚဲဏံ အောန်စှ်ေမံၚ်ရိုဟ်ဟ်တ္ၚဲဂွံဆဵုကေတ်ရ၊  နနဲဂၠံၚ်တရဴခိုဟ်မွဲ လ္တူအကာဲအရာဏံ ဗီုလဵုအ္စာမိက်ဂွံကဵုကသပ်ရောအ္စာ၊

            

 ပါဲနူကဵုကဵုလိက်ကၞပ် အဘိဓါန်မန်ဗၟာဏံတုဲ  လိက်ကၞပ်ဂတတေံအ္စာအစဳဇန်လဝ် သွက်ဂွံပတိတ်နွံမံၚ်ဏီဟာအ္စာ၊

            

အပ္ဍဲဍုၚ်မန်ပိုဲတေံ ကြပ်ကၠုၚ်ကဵုပေါဲရုဲမာဲရိုဟ်ဟ်တ္ၚဲရအ္စာ၊ မန်ပိုဲညံၚ်သ္ဂောံဇၞးမာဲဂၠိုၚ်ၚ်မာန် နူကဵုသွာၚ်ရဲဍုၚ်သ္အာၚ်တံ ကီု  သွက်မန်ပိုဲ အပ္ဍဲဍုၚ်တေံကီု ဗီုလဵုအ္စာမိက်ဂွံကဵုကသပ်ရောအ္စာ၊

           

  ဇၟာပ်ကောန်ဂကူပိုဲ စိုတ်ဓါတ်ဆာန်ဂကူညံၚ်သ္ဂောံမြဟ်မြဴတိုန်ကၠုၚ်မာန်ဂှ်  နဒဒှ်ဂလာန်လက္ကရဴမွဲ    ဗီုလဵုအ္စာမိက်ဂွံဆဝ်မ္ၚုဟ်ကဵုကောန်ဂကူမန်ပိုဲရောအ္စာ၊

           

ကဵုအခိၚ်လၟုဟ်ဏံဂှ် တၚ်ဂုဏ်ဗွဲမလောန်ရအ္စာ၊

                                 ဗပေၚ်ယှအ် ပလီုပလေဝ်မာန်ရောၚ်။

 

သ္ပသၟာန်သွဟ်လဝ် အ္စာကၞေဟ် သုတေသနမန် နာဲသက်လောန်

 

ဗဳဒိယောဏံဝွံ သ္ပသၟာန်သွဟ်လဝ် အ္စာကၞေဟ် သုတေသနမန် နာဲသက်လောန် စပ်ကဵုကိစ္စ သွက်ဂွံပ္တိတ်လိက်ကၞပ်တၟိ ကေုာံ မွဲဒမြိပ်ဘဝညး ဗီုညးပ္တိတ်ကၠုၚ်ဇြဟတ် သွက်လိက်ပတ်မန် ဂွံဇၞော်မောဝ် ဖေါအ်ဗြေဝ်တိုန်အာမာန်။

 

ဌာနပရိုၚ် (MAA)